NamMQI vakillari Tomsk politexnika universiteti ilgʻor muhandislik maktabi moddiy-texnik bazasi bilan tanishdi
Institut oʻquv ishlari boʻyicha prorektori Qahramon Inoyatov va Energetika kafedrasi dotsenti Muzaffar Murodov Tomsk politexnika universitetiga safarning ikkinchi kuni ilgʻor muhandislik maktabi faoliyati bilan yaqindan tanishdi.
Universitetning ilgʻor muhandislik maktabi yadro energetikasi, elektr va issiqlik energetikasi, sunʼiy intellekt, kimyoviy mashinasozlik, geologiya, kon ishi va neft-gaz yoʻnalishlarini qamrab olgan boʻlib, “Rosatom” va “Gazprom” kabi yirik kompaniyalar oliy oʻquv yurtining bu boradagi hamkorlari hisoblanadi.
NamMQI vakillari muhandislik maktabini tashkil etish boʻyicha rossiyalik hamkasblarining tajribalarini oʻrgandi. Maktabning moddiy-texnik bazasi bilan tanishdi.