NamMQI vakillari ijtimoiy himoyaga muhtoj talabalar oʻrtasida oʻtkazilgan “Zakovat” intellektual oʻyinida ishtirok etdi
Ijtimoiy himoya agentligi viloyat boshqarmasi tashabbusi bilan Isʼhoqxon Ibrat nomidagi Namangan davlat chet tillari institutida “Zakovat” intellektual oʻyini boʻlib oʻtdi.
Ushbu intelektual oʻyin jarayonini bevosita kuzatish maqsadida Ijtimoiy himoya agentligi viloyat boshqarmasi boshligʻi oʻrinbosari M.Turgʻunov, viloyat ijtimoiy himoya jamiyati raisasi M.Moʻminova, Toʻraqoʻrgʻon tumani nogironlar jamiyati raisi A.Toʻxtamatov keldi.
Intellektual oʻyinda viloyatdagi oliy taʼlim muassasalarida tahsil olayotgan ijtimoiy himoyaga muhtoj talabalardan tuzilgan jamoalar bellashdi.
Ushbu bellashuvda Namangan muhandislik-qurilish instituti vakillari ham munosib ishtirok etdi.