NamMQI ustozlari e'tirof etildi
Namangan muhandislik-qurilish institutining konferensiyalar zalida 1 oktyabr' – O‘qituvchi va murabbiylar kuni munosabati bilan tadbir bo‘lib o‘tdi. Tadbirda Yangi Namangan tumani hokimi va institut rektori hamda ustozlar ishtirok etishdi.
Tuman hokimi yig‘ilganlarni kasb bayrami hamda Namangan muhandislik-qurilish institutining 45 yilligi bilan samimiy qutlab, kelgusi ishlarida omad va zafarlar tiladi.
Tuman rahbari o‘z nutqida mazkur ilm dargohida bir emas uch yo‘nalishda o‘qib, ta'lim olganini alohida ta'kidladi hamda ustozlariga tashakkur izhor qildi.
Bir guruh fidoyi ustozlarga Yangi Namangan tumani hokimligining tashakkurnoma hamda esdalik sovg‘alari topshirildi.
Yangi Namangan tumani hokimligi axborot xizmati