NamMQI talabalari Toshkentda maqom kechasida ishtirok etdi
Toshkentda safarda bo‘lib turgan Namangan muhandislik-qurilish instituti talabalari Turkiston saroyida taniqli maqom ijrochisi Orifjon Ergashevning konsert dasturi mehmoni bo‘ldi.
Konsert davomida xonanda mumtoz taronalar, Tavakkal Qodirov, Ma'murjon Uzoqov, Jo‘raxon Rahimov, Ne'matjon Qulabdullaev, Kamoliddin Rahimov kabi buyuk hofizlar repertuaridan o‘rin olgan bebaho asarlar va o‘zining mualliflik qo‘shiqlarini taqdim etdi.
Talabalar qariyb uch soat davom etgan maqom kechasidan katta taassurot va zavq bilan qaytdi. Ko‘plab taniqli san'atkorlar bilan tanishish va dasxat olish imkoniyatiga ega bo‘ldi.
NamMQI media markazi