NamMQI stendi “Ta'lim va ishlab chiqarish” ko‘rgazmasida katta qiziqish uyg‘otmoqda
Namangan shahridagi “Barkamol avlod” bolalar maktabida “Ta'lim va ishlab chiqarish” ko‘rgazmasi o‘z ishini boshladi.
Uch kun davom etadigan ushbu tadbir davomida viloyatdagi umumta'lim maktablari bitiruvchilarini oliy ta'lim muassasalari, professional ta'lim maskanlari, o‘quv markazlari, konsalting xizmatlari hamda ishlab chiqarish korxonalari faoliyati bilan yaqindan tanishtirish va kasbga yo‘naltirish maqsad qilingan.
Namangan muhandislik-qurilish instituti vakillari ham mazkur ko‘rgazmada oliy o‘quv yurti haqida batafsil hikoya qiladigan stend bilan ishtirok etmoqda. Institut professor-o‘qituvchilari va talabalarining loyiha hamda ishlanmalari o‘rin olgan olgan ushbu stend o‘quvchilarda katta qiziqish uyg‘otmoqda.
Institut rektori Sharifjon Ergashev ham ko‘rgazmada ishtirok etib, uning ishtirokchilari bilan yaqindan muloqotda bo‘lmoqda.
NamMQI media markazi