NamMQI rektori Sanoatni axborotlashtirish fakulteti talabalari bilan ochiq muloqot o‘tkazdi
Unda prorektorlar, fakultet mutasaddilari, yoshlar yetakchilari va talabalar ishtirok etdi. Oldiniga mutasaddilar ishtirokida o‘tayotgan suhbat birozdan so‘ng rektor va talabalarning yakka muloqotiga ulanib ketdi. Yoshlarning savol, taklif va murojaatlari tinglandi.
Jumladan. iqtidorli talabalarni rag‘batlantirish va ularga moddiy ko‘mak berish, mustaqil ravishda biznes loyihalar ishlab chiqish, institutda tashkil qilingan "Qizlarjon" klubi uchun xona ajratish, akademik mobillik dasturi doirasini kengaytirish, talabalar ijod namunalarini gazeta-jurnallarda chop etish kabi masalalar ilga olindi.
Institut rektori muloqotda ko‘tarilgan mavzu, muammo va takliflar ijrosi yuzasidan mutasaddilarga tegishli topshiriqlar berdi.
NamMQI media markazi