NamMQI rektori Bishkekda Qirgʻiz-Turk Manas universiteti rektori bilan uchrashdi
Namangan muhandislik-qurilish instituti rektori Sharifjon Ergashev Bishkekda Qirgʻiz-Turk Manas universiteti rektori, professor Alparslon Jeylan bilan uchrashdi.
Alparslon Jeylan NamMQI rektorini universitetda koʻrib turganidan mamnun ekanligini bildirib, ushbu nufuzli oliy oʻquv yurti tarixi va bugungi kuni haqida hikoya qildi.
Oʻzaro muloqot davomida Qirgʻiz-Turk Manas universiteti va Namangan muhandislik-qurilish instituti oʻrtasidagi hamkorlik tobora mustahkamlanib borayotgani, jumladan, yaqinda institutning bir guruh professor-oʻqituvchilari universitet mehmoni boʻlgani qoniqish bilan qayd etildi.
Ikki oliy oʻquv yurti oʻrtasidagi rishtalarni yanada mustahkamlash, professor-oʻqituvchilar va talabalar almashinuvini kuchaytirish, xalqaro loyihalarda birgalikda ishtirok etish masalalari koʻrib chiqildi va dastlabki kelishuvlarga erishildi.