«NamMQI olimpiadasi» OTM bosqichi o‘tkazildi
11-sinf o‘quvchilari o‘rtasida informatika va axborot texnologiyalari fani bo‘yicha «NamMQI olimpiadasi» OTM bosqichi o‘tkazildi
Ushbu bosqichni institut rektori Sharifjon Ergashev ochib berdi va ishtirokchilarning har biri bilan alohida muloqot o‘tkazib, ularga muvaffaqiyat tiladi.
Ilmiy ishlar va innovasiyalar bo‘yicha prorektor Muhammadjon Dadamirzayev, Axborot tizimlari va texnologiyalari kafedrasi professor-o‘qituvchilari, Iqtidorli talabalarning ilmiy-tadqiqot faoliyatini tashkil etish bo‘limi boshlig‘i Diyorbek Akbaraliyev o‘quvchilarni olimpiada nizomi bilan tanishtirib, jarayon haqida kerakli tushunchalarni berdi.
Olimpiada yakunida Chortoq tumanidagi 53-IDUM 11-sinf o‘quvchisi Abdurahim Mahmudov 1-o‘rin, Uchqo‘rg‘on tumanidagi 2-maktab 11-sinf o‘quvchisi Hojiakbar Murodullayev 2-o‘rin, Yangiqo‘rg‘on tumanidagi 30-maktab 11-sinf o‘quvchisi Farrux Turg‘unpo‘latov 3-o‘rinni egallab, Namangan muhandislik-qurilish institutining Axborot tizimlari va texnologiyalari yo‘nalishiga imtihonsiz, to‘lov-shartnoma asosida o‘qishga kirish imkoniyatini qo‘lga kiritdi.