NamMQI olimlarining loyihasi GIZ grantiga sazovor boʻldi
Germaniyaning xalqaro hamkorlik tashkiloti (GIZ) ilmiy loyihalar uchun grantlar tanlovini oʻtkazdi.
Respublika OTMlaridan 50 ta loyiha tanlovda ishtirok etib, yakunda 7 ta loyiha gʻoliblikni qoʻlga kiritdi. Quvonchli tomoni, ular sirasida Namangan muhandislik-qurilish instituti loyihasi ham bor.
Qurilish fakultetining “Binolar va inshootlar qurilishi” kafedrasida professor Sobirjon Razzoqov rahbarligida ishlab chiqilgan “Tabiiy bazalt toshdan olingan bazalt tolalari bilan temir-beton konstruksiyalarini dispers armaturalash asosida mustahkamligini oshirish” loyihasi GIZ eʼtirofiga sazovor boʻldi. Ushbu loyihani amalga oshirish uchun 582 mln soʻm ajratilishi belgilandi.
Tabriklaymiz!