NamMQI olima ayollari “Innowomenweek-2024” koʻrgazmasida faol ishtirok etdi
Namangan davlat pedagogika institutida “Ixtirochi ayollar-2024” (“Innowomenweek-2024”) koʻrgazmasi boʻlib oʻtdi. Unda viloyatdagi oliy taʼlim muassasalarining olima ayollari ishlanmalari, loyihalari, ixtirolari va innovatsion modellari bilan qatnashdi.
Ushbu koʻrgazmada Namangan muhandislik-qurilish institutining bir guruh vakillari ham munosib ishtirok etdi.
Koʻrgazmaning ochilish marosimida “Tadbirkor ayol” assotsiatsiyasi viloyat boʻlimi raisi Lola Abduhalimova hamda Pedagogika instituti rektori Bahodir Husanov soʻzga chiqib, jamiyatda olima ayollarning oʻrni, ilmiy sohadagi olib borayotgan faoliyati haqida fikrlarini bildirdi.
Olima ayollar tomonidan taqdim etilgan loyihalar mutasaddilar tomonidan baholab borildi va yakunda diplom hamda esdalik sovgʻalari bilan taqdirlandi.