Namangan muhandislik–qurilish institutida “To'maris izdoshlari” tanlovining dastlabki bosqichiga start berildi
Xotin-qizlar o'rtasida tariximiz, milliy an’analarimiz va urf-odatlarimizga chuqur hurmat va ehtiromni yuksaltirish maqsadida o'tkazilayotgan ushbu tanlov doirasida institut talaba-qizlaridan iborat jamoalar Milliy gvardiya viloyat boshqarmasi tasarrufidagi "Chavandozlik maktabi"ga yo'l oldi.
Dastlab bu yerda tajribali yo'riqchilar ko'magida ot minish va kamondan o'q uzish sirlari o'rganildi. Shundan so'ng professor-o'qituvchi ayollar va talaba-qizlar milliy sport turlaridan hisoblanmish chavandozlik va kamondozlikda o'zlarini sinab ko'rishdi.
Institut xotin-qizlar maslahat kengashi tashabbusi bilan tashkillangan tadbirning ushbu bosqichida yuqori ballar to‘plagan jamoalar tanlovning keyingi bosqichiga yo‘llanma oldi.