Наманган муҳандислик-қурилиш институтида 17 ноябрь — Халқаро талабалар кунига бағишланган тантанали тадбир бўлиб ўтди
Наманган муҳандислик-қурилиш институтида 17 ноябрь — Халқаро талабалар кунига бағишланган тантанали тадбир бўлиб ўтди
Институтнинг Ислом Каримов кўчасидаги талабалар турар-жойида бўлиб ўтган тадбир аввалида ош танлови, тош кўтариш, дартс, армрестлинг мусобақаларига старт берилди.
Тадбирни институт биринчи проректори Одилжон Жакбаров очиб берди ва талабаларни ушбу сана муносабати билан қизғин табриклади. Шундан сўнг вилоят спорт бошқармаси вакиллари ҳамроҳлигида спорт нормативларини бажарган талабаларга кўкрак нишони ва спорт анжомлари топширди.
Байрамона тадбир деканларнинг табриклари, тақдирловлар, мушоира, Наманган вилоят театри хонандаси Азиз Абдуллоҳ бошчилигидаги санъаткорлар чиқишлари, қувноқлар ва зукколар баҳси ҳамда жўшқин рақслар билан кечга қадар давом этди.