“Ma’naviyat karvoni” NamMQI talabalar turar-joyida!
Viloyatimizda “Yangi O‘zbekistonda el aziz, inson aziz!” shiori ostida o‘tkazilayotgan madaniy-ma’rifiy tadbirlar NamMQI talabalar turar-joyida davom etdi.
Yangi Namangan tuman hokimligi bilan hamkorlikda tashkil etilgan tadbirga O‘zbekiston xalq artisti Gulchehra Sa’dullaeva va O‘zbekistonda xizmat ko‘rsatgan artist Dilfuza Rahimova boshchiligidagi san’atkorlar, so‘z ustalari tashrif buyurdi.
Ikki soatdan oshiq davom etgan tadbir davomida she’r va monologlar ijro etildi, kuy-qo‘shiqlar yangradi, so‘z ustalarining taqlidlari kulgu va qahqaha ulashdi. Talabalar o‘zlari sevgan san’atkorlar bilan birgalikda raqslarga va esdalik uchun fotolarga tushishdi.
NamMQI media markazi