Institut talabalari "Iftixorlar maskani" bilan tanishdi
Namangan muhandislik-qurilish instituti Yoshlar ittifoqi Boshlangʻich tashkiloti yetakchisi Diyorbek Soataliyev boshchiligidagi bir guruh faol talaba-yoshlar Namangan davlat pedagogika instituti qoshida tashkil etilgan "Iftixorlar maskani" bilan tanishdi.
Institut vakillarini Yoshlar masalalari va maʼnaviy-maʼrifiy ishlar boʻyicha birinchi prorektor Alisher Isoqboyev va institut yoshlar yetakchisi Masturaxon Nabixonova kutib oldi.
Masʼullar yoshlarga “Maʼrifat iftixorlari”, “Ilm-fan iftixorlari”, “Oliy taʼlim iftixorlari”, “Maktab taʼlimi iftixorlari” boʻlimlari toʻgʻrisida batafsil maʼlumot berib, maskan faoliyati bilan yaqindan tanishtirdi.
Talabalar maskan bilan tanishish davomida viloyatda tugʻilib-oʻsgan ilm-fan va taʼlim fidoyilari, olimlar va akademiklar haqida atroflicha maʼlumotlarga ega boʻldilar.
Maskanda Namangan muhandislik-qurilish institutining bir guruh professor-oʻqituvchilari alohida eʼtirof etilgan.