Innovatsion rivojlanish agentligi direktori NamMQI olimlari va tadqiqotchilari bilan muloqotda boʻldi
Innovatsion rivojlanish agentligi direktori Sharof Rajabboev Namangan muhandislik-qurilish institutida boʻlib, ilmiy-tadqiqot ishlari, ishlanmalar va loyihalar bilan tanishdi.
Agentlik direktori institut olimlari bilan uchrashib, qurilish, muqobil energiya, qishloq xoʻjaligini mexanizatsiyalashtirish, yoʻl xarakati xavfsizligi hamda kimyo-texnologiya yoʻnalishlari boʻyicha takliflarni tingladi.
Shuningdek, Sharof Rajabboev institut Bionika laboratoriyasida boʻlib, bu yerda yaratilgan sharoitlar bilan tanishdi.