Amerikalik mutaxassis ishtirokida talabalar uchun trening
Namangan muhandislik-qurilish institutida «O‘zbekiston sharoitida talabalar uchun ingliz tilini oson o‘rganish imkoniyatlari» mavzusida trening tashkil etildi. Treningda ma'ruza qilish uchun AQShlik ingliz tili mutaxassisi Rozvell Xanna Linn taklif etildi.
Muhandislik kommunikatsiyasi fakulteti tashabbusi bilan tashkil etilgan treningda Ilmiy ishlar va innovatsiyalar bo‘yicha prorektor Muhammadjon Dadamirzaev, Muhandislik kommukatsiyalari fakulteti dekani Fayzulla Nishonov, Sanoatni axborotlashtirish va kimyo texnologiyalari fakulteti dekani Abdurahim Qahhorov, professor-o‘qituvchilar va talabalar ishtirok etdi.
Treningda amerikalik mutaxassis tomonidan ingliz tilini o‘rganish uchun eng zamonaviy platformalar, xorijda tahsil olish uchun taklif etilayotgan ta'lim dasturlari, yaratilgan imkoniyatlar haqida muhim ma'lumotlardan iborat taqdimot namoyish etildi. Talabalarning mavzu yuzasidan savollariga batafsil javob berildi.
NamMQI media markazi