“Yangi O‘zbekiston taraqqiyotida olima ayollarning o‘rni” mavzusidagi ilmiy anjumanda NamMQI olima ayollari taqdirlandi
Namangan davlat pedagogika institutida mamlakatimiz mustaqilligining 33 yilligiga bag‘ishlab o‘tkazilgan “Yangi O‘zbekiston taraqqiyotida olima ayollarning o‘rni” mavzusidagi anjumanda institutimizning “TTAT” kafedrasi professori Ozoda Abdullaeva va “Xorijiy tillar” kafedrasi dosenti Palina Botirova ishtirok etdi.
Viloyat hokimi Shavkatjon Abdurazzoqov tadbirga tashrif buyurib, anjumanni ochib berdi va olima ayollarning barcha sohalardagi samarali mehnati, jamiyat va oila hayotidagi ulkan xizmatlari xaqida aytib o‘tdi.
Anjumanda "Namanganlik olima ayollarning ta'lim va taraqqiyot soxasidagi izlanishlari", "Ta'limdan taraqqiyot sari odimlar", "Ilm ulug‘laydi ayolni" mavzulari bo‘yicha muzokaralar bo‘lib o‘tdi.
Institutimiz vakillari muzokaralarda faol qatnashib, sertifikat va qimmatbaho sovg‘alar bilan taqdirlandi.