Yangi yil tadbiri bo‘lib o‘tdi...
Viloyat teatrida Namangan muhandislik-qurilish institutining Yangi yil tadbiri bo‘lib o‘tdi
Bayram tadbirida institut rektori Sharifjon Ergashev so‘z olib, barchani kirib kelayotgan 2025 yil bilan tabrikladi. Yil mobaynida institut jamoasi tomonidan erishilgan natija va yutuqlarga to‘xtaldi, o‘ziga xos sarhisob qildi.
Prezident va nomli davlat stipendiyalari sohiblari sahnaga taklif etildi va ularga tashakkurnomalar topshirildi.
Shuningdek, kasaba uyushma qo‘mitasi sovrini uchun professor-o‘qituvchi va xodimlar o‘rtasida bo‘lib o‘tgan shaxmat bo‘yicha institut birinchiligi g‘oliblariga diplom va pul mukofotlari topshirildi.
Shundan so‘ng viloyat teatri tomonidan sahnalashtirilgan bayram dasturi namoyish etildi. Dasturdan o‘rin olgan spektakllardan parchalar, taniqli xonandalar ijrosidagi dilbar qo‘shiqlar barchaga bayram kayfiyatini ulashdi.