Talabalar viloyat IIB Yoʻl harakati xavfsizligi boshqarmasi boshligʻi bilan muloqotda boʻldi
Transport fakultetida navbatdagi “Rahbar va yoshlar” uchrashuvi boʻlib oʻtdi. Tadbirga bu gal viloyat IIB Yoʻl harakati xavfsizligi boshqarmasi boshligʻi, podpolkovnik Mansur Gaziyev taklif etildi.
Fakultet dekani ushbu lavozimda yaqinda ish boshlagan mehmonni talaba-yoshlarga tanishtirdi va kelgusi faoliyatida muvaffaqiyatlar tiladi.
Mansur Gaziyev viloyatda yoʻllarda xavfsiz harakatlanishni taʼminlash borasida olib borilayotgan ishlar, bu boradagi oʻzgarish va yangiliklarga toʻxtaldi. Shu yoʻnalishda taʼlim olib kelayotgan yoshlarni kelgusida boshqarma jamoasi safida koʻrishidan mamnun boʻlishini bildirdi.
Shundan soʻng viloyat IIB YHXB rahbari bilan talabalarning muloqoti boshlandi va ular tomonidan berilgan barcha savollarga batafsil javoblar berildi.