Talabalar turar-joyida Yangi yil karnavali boʻlib oʻtdi
Institutning Islom Karimov koʻchasida joylashgan talabalar turar-joyida Yangi yil karnavali boʻlib oʻtdi.
Tadbirni institut birinchi prorektori Odiljon Jakbarov ochib berdi va yoshlarga kirib kelayotgan 2025-yilda omad va muvaffaqiyatlar tiladi.
Shundan soʻng turli shart va oʻyinlarga boy karnval boshlandi. Uning gʻoliblari Qorbobo va Qorqiz tomonidan sovgʻalar bilan siylandi.
Karnavalda oʻzbek, hind va ingliz tillaridagi kuy-qoʻshiqlar yangradi. Yilning eng faol va tashabbuskor talabalari taqdirlandi.