Qurilish fakultetida bayram tadbiri boʻlib oʻtdi
Namangan muhandislik-qurilish instituti Qurilish fakultetida 17-noyabr — Xalqaro talabalar kuni munosabati bilan tantanali bayram tadbiri boʻlib oʻtdi.
Tadbirda institut birinchi prorektori Odiljon Jakbarov, Qurilish fakulteti dekani Muxtorjon Mansurov, institut yoshlar yetakchisi Diyorbek Soataliyev boshchiligida Yoshlar Kengashi aʼzolari, professor-oʻqituvchilar va talabalar ishtirok etdi.
Soʻz olganlar talaba-yoshlarni bayram bilan samimiy muborakbod etib, oliygohda yoshlar uchun yaratilayotgan sharoit va imkoniyatlar haqida fikrlarini bildirdi.
Kuy-qoʻshiqlar, sheʼriy chiqishlar bilan boyitilgan bayram yakunida institutda oʻtkazilgan tanlov va loyihalardagi faolligi uchun bir guruh iqtidorli talaba-yoshlar diplom hamda esdalik sovgʻalari bilan taqdirlandi.