Oʻquv ishlari boʻyicha prorektor birinchi kurs talabalari bilan muloqotda boʻldi
Institut oʻquv ishlari boʻyicha prorektori Qahramon Inoyatov dekanlar va boshqa mutasaddilar hamrohligida auditoriyalarda boʻlib, talabalikka qabul qilingan yoshlar bilan muloqotda boʻldi.
Muloqot davomida institut tarixi va bugungi kuni, mavjud fakultetlar, saboq beriladigan fan va predmetlar, HEMIS tizimi haqida maʼlumot berildi.
Hozirdan oʻtilayotgan darslarga eʼtiborli boʻlish, oʻquv jarayonlarida faol ishtirok etish, institutda yaratilgan sharoitlar, xususan, axborot-resurs markazlari va labaratoriyalardan unumli foydalanish zarurligi taʼkidlandi.
Talabalar prorektorga oʻzlarini qiziqtirgan savollar yuzasidan murojaat etdi va batafsil javoblar oldi.
NamMQI media markazi