Oliy matematika kafedrasi dotsenti Nurmat Turgʻunov yoʻqlandi
NamMQI birinchi prorektori Odiljon Jakbarov boshchiligidagi mutasaddilar institutda uzoq yillar ishlab, nafaqaga chiqqan Nurmat Turgʻunov xonadonini yoʻqladi.
Nurmat Turgʻunov institutdagi faoliyatini 1982-yildan boshlagan va oʻqituvchilikdan Oliy matematika kafedrasi dotsentligigacha boʻlgan yoʻlni bosib oʻtgan. Institutning turli-tuman tadbirlarida faol ishtirok etgan.
Hozirda 80 yoshni qoralagan ota xonadonida farzandlari va nevara-evaralari ardogʻida.
Institut birinchi prorektori boshchiligidagi mutasaddilar u kishining suhbatidan bahramand boʻlib, jamoaning samimiy tilaklari va sovgʻalarini yetkazdi.