NamMQIda «Gʻaznai Namangon» ensiklopediyasi taqdimoti o‘tkazildi
Institutda O‘zbekiston yozuvchilar uyushmasi a’zosi, Turon fanlar akademiyasi akademigi Rustamjon Ummatov qalamiga mansub «Gʻaznai Namangon» ensiklopediyasi birinchi jildi taqdimoti bo‘lib o‘tdi.
Namangan va uning atoqli namoyondalari haqida batafsil ma’lumot beruvchi ensiklopediya taqdimoti davomida taniqli ijodkorlar Boqiy Mirzo, Sodiq Sayhun, Qambar Haydar ushbu kitob ahamiyati haqida so‘z yuritdi.
Kitob muallifi Rustamjon Ummatov ensiklopediyada keltirilgan ma’lumotlar Namangan tarixini chuqur o‘rganishda qimmatli manba bo‘lib xizmat qilishini ta’kidladi. Institut kutubxonasi uchun kitobning birinchi jildidan 50 dona hadya qilindi.
Kadrlar bo‘limi boshlig‘i Ahmadjon Soliyev, axborot-resurs markazi rahbari Ozoda Mamadaliyeva, Muhandislik kommunikatsiyalari fakulteti dekan o‘rinbosari Anvarjon Dehqonov mehmonlarga tashrif uchun minnatdorlik bildirib, ensiklopediyaning keyingi jildlari tez orada chop etilishiga umid bildirdi.