NamMQI Young Universities Ranking xalqaro reytingida e'tirof etildi
Britaniyaning Times Higher Education agentligi tomonidan 2023 yil uchun yosh universitetlar reytingi — Young Universities Ranking e'lon qilindi. Ushbu reytingda tashkil topganiga 50 yil va undan kam bo‘lgan dunyoning eng yaxshi oliy ta'lim muassasalari keltirib o‘tilgan.
Mazkur oliy o‘quv yurtlari ta'lim, tadqiqotlar, bilimlar almashinuvi va xalqaro aloqalar kabi 13 ta ko‘rsatkich bo‘yicha baholangan.
Young Universities Ranking joriy yilgi reytingidan dunyoning jami 605 ta universitet va instituti o‘rin oldi. Singapurning Nanyan texnologiya, Gonkongning fan va texnologiyalar hamda Fransiyaning Paris Sciences et Lettres universitetlari reyting peshqadami bo‘ldi.
Quvonchli tomoni, ushbu nufuzli reytingga O‘zbekistondan 12 ta oliy o‘quv yurti kiritilgan bo‘lib, ular orasida Namangan muhandislik-qurilish instituti to‘rtinchi o‘rinda qayd etilgan.