NamMQI volontyorlari «Mehrli qalblar» xayriya aksiyasini o‘tkazdi
Namangan muhandislik-qurilish instituti Yoshlar ittifoq boshlang‘ich tashkiloti tashabbusi bilan «Mehrli qalblar» xayriya aksiyasi o‘tkazildi. Unda yoshlar yetakchilari, talabalar va ko‘ngillilar ishtirok etdi.
Aksiya doirasida institutga qo‘shni hududda joylashgan Furqat nomli mahallada istiqomat qiluvchi yakka-yolg‘iz va nogironligi bo‘lgan fuqarolar holidan xabar olindi. Bu borada volontyorlarga mahalla mutasaddilari ham yaqindan yordam berdi.
Kelgusida bunday xayriya aksiyalarini doimiy tarzda o‘tkazib borish, shu tariqa yoshlar va ko‘makka muhtoj keksa avlod vakillari o‘rtasida uzviy aloqalarni o‘rnatish ko‘zda tutilgan.