NamMQI vakillari Xitoyda sunʼiy intellektga bagʻishlangan seminarda qatnashdi
Avval xabar berganimizdek, Namangan muhandislik-qurilish institutining bir guruh professor-oʻqituvchilari xizmat safari bilan Xitoyning Tiangong universitetida boʻlib turibdi.
Vakillarimiz uchun dastlab universitet va uning tarixi haqida oʻziga xos taqdimot oʻtkazildi. Taqdimot davomida ushbu oliy oʻquv yurti erishgan yutuqlar, uning mashhur bitiruvchilari haqida batafsil maʼlumot berildi.
Vakillarimiz universitetda malaka oshirish seminarida ishtirok etdi. Ushbu seminarda sunʼiy intellekt dars mashgʻulotlari tashkil etish uslublari haqida soʻz bordi.
Shuningdek, delegatsiya aʼzolari universitetda tahsil olayotgan xorijlik talabalar bilan ham muloqotda boʻldi.