NamMQI vakillari Fargʻona politexnika institutidagi dual taʼlim boʻyicha malaka oshirish kurslarida ishtirok etmoqda
Fargʻona politexnika institutida energetika sohasida kadrlar tayyorlaydigan oliy taʼlim muassasalarida oʻquv jarayonini dual taʼlim shaklida tashkil etishga qaratilgan malaka oshirish kursi boʻlib oʻtmoqda.
Unda respublikamizdagi energetika sohasida kadrlar tayyorlaydigan oliy taʼlim muassasalarining 50 nafardan ortiq kafedra mudirlari va professor-oʻqituvchilari hamda hamkor tashkilot vakillari qatnashmoqda.
Mazkur oʻquv kursi “Energiya tejamkorligini taʼminlash, muqobil quvvatlardan foydalanishni kengaytirish masalalari” mavzusiga bagʻishlanib, ikki kun davom etadi.
Oʻquv kursida Energetika kafedrasi dotsentlari Muzaffar Murodov, Farhod Sharipov va Abdushohid Mamajonov ishtirok etmoqda.