“NamMQI umidlari” uyushmasi faoliyatini boshladi
NamMQI Sanoatni axborotlashtirish fakulteti tyutori Saydullo Xo‘jaev tashabbusi bilan tashkil etilgan “NamMQI umidlari” nomli uyushma faoliyatini boshladi.
Ushbu tuzilma talabalarning huquq va manfaatlarini himoya qilish, ularning o‘qish va mehnat sohasidagi istak va ehtiyojlarini qondirishga hissa qo‘shish, ijodiy salohiyatlarini ro‘yobga chiqarish maqsadida tashkil etildi.
Institut yoshlar masalalari va ma'naviy-ma'rifiy ishlari bo‘yicha prorektori Odiljon Jakbarov mazkur uyushmaning ta'sis yig‘ilishida ishtirok etdi va uning tashkilotchilariga omad tiladi. Talabalarni “NamMQI umidlari” a'zolari safidan o‘rin olishga chaqirdi.