NamMQI talabasining “Yuragimdan o‘ting Vatanga” nomli she'riy to‘plami taqdimoti bo‘lib o‘tdi
Davlatobod tumagidagi Yoshlar ziyo maskanida NamMQI Qurilish fakulteti talabasi Ahmadjon Muxtorjonovning “Yuragimdan o‘ting Vatanga” nomli she'riy to‘plami taqdimoti bo‘lib o‘tdi. Tadbirni tumandagi 49-umumta'lim maktabi targ‘ibotchisi Shohsanam Ermanbetova olib bordi. Taqdimot marosimida NamMQI rektori Sharifboy Ergashev, O‘zbekiston Yozuvchilar uyushmasi viloyat bo‘limi raisi Ziyovuddin Mansurov, shoira Dilorom Ergasheva, Yoshlar ittifoqi viloyat kengashi raisi Muhtarama Abdullaxonova, “Milliy tiklanish” partiyasi viloyat kengashi raisi Dilnoza Azizova so‘zga chiqib, yosh shoirga o‘zlarining samimiy tilaklarini bildirishdi. Talabaga Respublika ma'naviyat va ma'rifat markazi viloyat bo‘linmasining esdalik sovg‘alari topshirildi. Tadbir yakunida Ahmadjon Muxtorjonov so‘z olib, kitob chop etilishida ko‘mak ko‘rsatgan institut rektoratiga, taqdimotga tashrif buyurgan mehmonlarga minnatdorlik bildirib, to‘plamdan o‘rin olgan she'rlaridan o‘qidi.
NamMQI media markazi