NamMQI talabalari Xotira va qadrlash kuni arafasida Toshkentdagi g‘alaba bog‘ida bo‘ldi
Talabalar t'yutorlari boshchiligida G‘alaba bog‘idagi urush yillariga oid samolyot, tank va zambaraklarni ko‘zdan kechirdi. Blindaj, transheya va okoplarda bo‘ldi.
Bog‘da tashkil etilgan Shon-sharaf muzeyi talabalarda katta taassurot qoldirdi. Bu yerda Ikkinchi jahon urushi yillarida o‘zbekistonliklarning ishtirokiga oid boy eksponatlar to‘plangan.
G‘alaba bog‘ini tark etar ekan, talabalar bu kabi mash'um va kishini larzaga soluvchi xotiralar faqat shunday bog‘ va muzeylardagina bo‘lishi hamda yosh avlodga suronli yillar haqida hikoya qilishiga tilak bildirdi.