NamMQI rektori «O‘zbek tili – qalbim tarjimoni» respublika ko‘rik-tanlovida munosib ishtirok etgan xorijlik talabani tabrikladi
Avval xabar berganimizdek, Namangan muhandislik-qurilish instituti talabasi Emin Goktug‘ Yalchin Toshkentda xorijlik talabalar o‘rtasida o‘tkazilgan «O‘zbek tili – qalbim tarjimoni» respublika ko‘rik-tanlovida munosib ishtirok etib, to‘rtinchi o‘rinni egallagandi.
Xorijlik talabani qabul qilib, uni ushbu muvaffaqiyat bilan tabrikladik va bunday yutuqlar bardavom bo‘lishini tiladik.
Emin Goktug‘ Yalchin ushbu tanlovga tayyorgarlik jarayonida yaqindan yordam bergan institut jamoasi, xususan, o‘zbek tili va adabiyoti kafedrasiga minnatdorlik bildirdi hamda sovg‘a sifatida berilgan ko‘p tomli “O‘zbek tilining izohli lug‘ati”ni institut axborot-resurs markaziga topshirdi.