NamMQI rektori “Olmaliq kon-metallurgiya kombinati” aksiyadorlik jamiyati boshqaruvi raisi, senator Abdulla Xursanov bilan muloqotda boʻldi
Namangan muhandislik-qurilish instituti rektori Sharifjon Ergashev boshchiligidagi mutasaddilar “Olmaliq kon-metallurgiya kombinati” aksiyadorlik jamiyati boshqaruvi raisi, senator Abdulla Xursanov bilan muloqotda boʻldi.
Muloqot davomida institut va Olmaliq kon-metallurgiya kombinati oʻrtasidagi hamkorlikni yanada mustahkamlash, bu yerda tashkil etilgan Muhandislik maktabi tajribasini oʻrganish va oliy oʻquv yurtida tatbiq etish, kadrlar yetkazib berish, professor-oʻqituvchilarning malaka oshirishi va talabalar amaliyoti masalalari batafsil muhokama etildi.
Muzokaralar yakunida bu boradagi dastlabki kelishuvlarga erishildi.