NamMQI rektori Iqtisodiyot va boshqaruv fakulteti talabalari bilan ochiq muloqot o‘tkazdi
Unda prorektor va rektor maslahatchilari, fakultet mutasaddilari, yoshlar yetakchilari va talabalar ishtirok etdi. Oldiniga mutasaddilar ishtirokida o‘tayotgan suhbat birozdan so‘ng rektor va talabalarning yakka muloqotiga ulanib ketdi. Yoshlarning savol, taklif va murojaatlari tinglandi.
Jumladan, top-mingtalikka kirgan OTMlardan professor-o‘qituvchilarni o‘quv jarayoniga jalb etish, institut va MB viloyat boshqarmasi o‘rtasidagi kelishuvga qaramay, bank mutaxassislarining amaliy mashg‘ulotlar o‘tishi yo‘lga qo‘yilmagani, “Smart-Bekat” innovatsion loyihasini qo‘llab-quvvatlash, amaliy va laboratoriya mashg‘ulotlariga ko‘proq e'tibor berish, ta'til paytida Work and travel dasturi doirasida xorijda amaliyot o‘tab kelishga ko‘maklashish kabi masalalar tilga olindi.
Institut rektori muloqotda ko‘tarilgan mavzu, muammo va takliflar ijrosi yuzasidan mutasaddilarga tegishli topshiriqlar berdi.
NamMQI media markazi