NamMQI dotsenti Alisher Po‘latov 73 yoshida vafot etdi
U 1950 yilda Namangan shahrida, ziyoli oilasida tug‘ilgandi. 1972 yili Toshkent Politexnika instituti, 1977 yili esa Plexanov nomidagi Moskva xalq xo‘jaligi instituti aspiranturasini tamomladi. O‘qishdan so‘ng turli mas'ul vazifalarda mehnat qildi.
1984 yildan Namangan muhandislik-qurilish institutidagi faoliyatini boshladi. O‘tgan yillar mobaynida dekan, kafedra mudiri, dotsent bo‘lib mehnat qildi. 2020 yildan hozirgacha Mehnat muhofazasi va ekologiya kafedrasi kafedrasi dotsenti lavozimida ishlab kelayotgandi.
Alisher Po‘latov tom ma'nodagi murabbiy va yetakchi edi. Institutda o‘tkaziladigan ko‘plab tadbirlar, shuningdek, xorij safarlarini tashkillash, hamkor oliy o‘quv yurtlari bilan aloqalarni yo‘lga qo‘yishda bevosita bosh-qosh bo‘lardi. Ustozning xotirasi doimo yodimizda bo‘ladi, oila a'zolariga chuqur hamdardlik bildiramiz.
Institut rahbariyati