Namangan muhandislik-qurilish institutida 11-noyabr — Oʻzbekiston kasaba uyushmalari kuniga bagʻishlangan tantanali tadbir boʻlib oʻtdi
Tadbirni institut yoshlar yetakchisi Diyorbek Soataliyev olib bordi.
Tadbir davomida institut rektori Sharifjon Ergashev, Oʻzbekiston taʼlim va fan xodimlari kasaba uyushmasi respublika kengashining Namangan viloyati boʻyicha masʼul tashkilotchisi Lutfiddin Gʻaniyev, institut kasaba uyushma qoʻmitasi raisi Ahmadjon Haydarovning tabriklari tinglandi.
Shundan soʻng ushbu sana munosabati bilan institutda oʻtkazilgan “Zakovat”, futzal va voleybol boʻyicha turnirlar gʻoliblariga diplom va esdalik sovgʻalari topshirildi.
Tadbir institut musiqiy jamoasining bayramona kuy-qoʻshiq va raqslar bilan yakunlandi.