Namangan muhandislik-qurilish instituti xotin-qizlari uchun bayram tadbiri tashkil etildi
Buning uchun Davlatobod tumanidagi madaniyat saroyi bayramona bezatildi. Professor-o‘qituvchi va xodima ayollarni institut mutasaddilari qarshi oldi.
Bugungi kunda institutda 270 nafar xotin-qiz mehnat qilmoqda. Ulardan 78 nafari professor-o‘qituvchilar hisoblanadi. 2022 yilning o‘zida ulardan 2 nafari dosent, 5 nafari esa falsafa doktori — PhD darajasiga ega bo‘ldi.
Institut rektori Sharifboy Ergashev jamoani tabriklar ekan, ushbu raqamlarga e'tibor qaratib o‘tdi. Institut reytingida munosib o‘rin egallab kelayotgan ayollarni alohida e'tirof etdi.
Tadbirda ishtirok etgan barcha ayollarga gullar va bayram sovg‘alari topshirildi. Eng faol xotin-qizlar esa institut ma'muriyati, Yangi Namangan tumani hokimligi, viloyat Ma'naviyat va ma'rifat kengashi, Yozuvchilar uyushmasi viloyat bo‘limining tashakkurnoma va esdalik sovg‘alari bilan taqdirlandi.
NamMQI media markazi