Namangan muhandislik-qurilish instituti qizlar jamoalari o‘rtasida «Zakovat» musobaqasini o‘tkazdi
«Yangi O‘zbekiston – yoshlar ziyo maskani»da Xalqaro xotin-qizlar kuni munosabati bilan «Zakovat» musobaqasi bo‘lib o‘tdi. NamMQI talaba qizlaridan iborat 20 ta, mehmonlar — Namangan muhandislik-texnologiya instituti hamda Namangan davlat chet tillar instituti vakillari, jami 22 ta jamoa o‘rtasidagi intellektual o‘yin bahs-munozaralarga boy kechdi.
Ishtirokchilarni institut rektori Sharifboy Ergashev, «Milliy tiklanish» demokratik partiyasi viloyat kengashi raisi Dilnoza Azizova, O‘zbekiston jurnalistlar uyushmasi viloyat bo‘limi rahbari Nosirjon Dehqonov qutladi.
G‘oliblikni qo‘lga kiritgan jamoalarga pul mukofoti sertifikatlari topshirildi. Mehmon va yuqori ko‘rsatkichlarni namoyish etgan jamoalar esa institut axborot-resurs markazi va «Milliy tiklanish» demokratik partiyasi viloyat Kengashining tashakkurnoma va esdalik sovg‘alari bilan taqdirlandi.
NamMQI media markazi