Institut Bino va inshootlar qurilishi kafedrasi katta o‘qituvchisi Zokirjon Xolboev 60 yoshni qarshiladi
Institutda professor-o‘qituvchilarni yubiley sanalari bilan tabriklash an'ana tusiga kirgan. Jamoa bu gal institut Bino va inshootlar kafedrasi katta o‘qituvchisi Zokirjon Xolboevni qutlash uchun to‘plandi.
Zokirjon Xolboev 1964 yili Namangan tumanida tug‘ilgan, 1989 yili Toshkent politexnika institutini tamomlagan. Shu yildan institutdagi faoliyatini boshlagan. O‘tgan yillar davomida assistentlikdan katta o‘qituvchilikkacha bo‘lgan yo‘lni bosib o‘tgan.
Institut yoshlar masalalari va ma'naviy-ma'rifiy ishlar bo‘yicha birinchi prorektori Odiljon Jakbarov yubilyarni tavallud ayyomi bilan jamoa nomidan muborakbod etdi. Shuningdek, bir guruh hamkasblar ham o‘zlarining samimiy tabriklarini bildirdi.
Tadbir yakunida Zokirjon Xolboev jamoaga bildirilgan qutlov va tabriklar uchun minnatdorlik izhor etdi.