Institut Аxborot tizimlari va texnologiyalari kafedrasi katta oʻqituvchisi Nozima Abdullayevaning yubileyi nishonlandi
Institutda professor-oʻqituvchilarni yubiley sanalari bilan tabriklash odat tusiga kirgan. Jamoa bu gal institut Аxborot tizimlari va texnologiyalari kafedrasi katta oʻqituvchisi Nozima Abdullayevani qutlash uchun toʻplandi.
Nozima Abdullayeva 1974-yilda Namangan shahrida tugʻilgan, 1996-yili Namangan sanoat–texnologiya institutini tamomlagan. Shu yildan institutdagi faoliyatini boshlagan. Oʻtgan yillar davomida assistentlikdan katta oʻqituvchilikkacha boʻlgan yoʻlni bosib oʻtgan.
Institut yoshlar masalalari va maʼnaviy-maʼrifiy ishlar boʻyicha birinchi prorektori Odiljon Jakbarov yubilyarni tavallud ayyomi bilan tabriklab, jamoaning eng ezgu tilaklarini bildirdi. Shuningdek, bir guruh hamkasblar ham oʻzlarining samimiy tabriklarini yetkazdi.
Tadbir yakunida Nozima Abdullayeva jamoaga bildirilgan qutlov va tabriklar uchun minnatdorlik izhor etdi.