Davlat oliy taʼlim muassasalariga oʻqishni koʻchirish uchun onlayn roʻyxatdan oʻtish 15-iyuldan boshlanadi
Oliy taʼlim, fan va innovatsiyalar vazirligi maʼlumotlariga koʻra, har yili xorijiy va nodavlat oliy taʼlim muassasalaridan respublikamizning davlat oliy taʼlim muassasalariga oʻqishni koʻchirish boʻyicha onlayn roʻyxatdan oʻtish 15-iyuldan 5-avgustga (shu kuni ham) qadar amalga oshiriladi.
Ular uchun belgilangan imtihonlar 5-avgustdan 30-avgustgacha boʻlgan muddat oraligʻida oʻtkaziladi.
Talabalar tomonidan onlayn arizalar Bilim va malakalarni baholash agentligining my.uzbmb.uz sayti orqali topshiriladi.