Bosh vazir Uychi tumanida barpo etilayotgan Norin GESlar kaskadi qurilishi bilan tanishib, institut talabalari bilan muloqotda boʻldi
Bosh vazir Abdulla Aripov va Energetiga vaziri Joʻrabek Mirzamahmudov Uychi tumanida boʻlib, mazkur tumanda qurilayotgan Norin GESlar kaskadi qurilishi bilan tanishdi.
Norin GESlar kaskadi 6 ta GESdan iborat boʻlib, har bir GESning quvvati 38 megavattni tashkil etadi. Ushbu istiqbolli loyiha ishga tushirilishi natijasida yiliga oʻrtacha 1 025 mln. kVt.soat ekologik toza elektr energiyasi ishlab chiqariladi.
Bosh vazirning ushbu obyektga tashrifi jarayonlarida Namangan muhandislik-qurilish instituti rektori Sharifjon Ergashev, Energetika kafedrasi mudiri Farhod Sharipov, professor-oʻqituvchilar hamda amaliyot oʻtayotgan talabalar ishtirok etdi. Hukumat rahbari talabalar bilan samimiy muloqotda boʻldi.
Maʼlumot uchun, NamMQIning bir guruh talabalari ayni kunlarda Norin GESlar kaskadi qurilishida amaliyot oʻtamoqda.