Bayram tadbiri bayramona konsertga ulandi
Namangan muhandislik-qurilish instituti Davlatobod tumanidagi madaniyat saroyida professor-o‘qituvchi va xodima ayollar uchun tashkillagan bayram tadbiri bayramona konsertga ulandi.
Institut ayollarini taniqli xonandalar Hamidjon Mallaboev, Jaloliddin Usmonov, Aziz Abdulloh, Oyposhsha Ulug‘xo‘jaeva, “Qalpoq” guruhi va boshqa bir qancha san'atkorlar tabrikladi.
Jo‘shqin kuy-qo‘shiqlar, ayollarni madh etuvchi taronalar, beg‘ubor kulgu-hazillar yangradi. Jamoa mazza qilib raqslarga tushdi.
Yakunda institutning iste'dodli talabalari ijrosida yangragan “Muqaddas ayol” qo‘shig‘i esa tadbirning avj nuqtasiga aylandi.
NamMQI media markazi